Թրամփը դժգոհ է Սթարմերի որոշումից․ Politico
Աշխարհ
ԱՄՆ նախագահ Դոնալդ Թրամփը դժգոհ էր, որ Մեծ Բրիտանիայի վարչապետ Քեյր Սթարմերը անձամբ չի տեղեկացրել իրեն ԱՄՆ-ում Մեծ Բրիտանիայի դեսպան Պիտեր Մանդելսոնի պաշտոնանկության մասին՝ անչափահասների սեռական շահագործման մեջ մեղադրվող ֆինանսիստ Ջեֆրի Էպշտեյնի հետ նրա կապերի պատճառով, հաղորդում է Politico-ն՝ հղում անելով Սպիտակ տան անանուն աղբյուրին։
Սեպտեմբերի 11-ին Սթարմերը Մանդելսոնին ազատել է աշխատանքից՝ Էպշտեյնի հետ նրա մտերմության աստիճանը բացահայտելուց հետո։ Որոշումը հայտարարվել է Մեծ Բրիտանիայի Համայնքների պալատում մի քանի ժամ անց, երբ Bloomberg-ը հրապարակել է Էպշտեյնի և Մանդելսոնի միջև նախկինում հարյուրից ավելի չհրապարակված էլեկտրոնային նամակներ։
«Թրամփը նյարդայնացած էր Մանդելսոնի պաշտոնանկությանը մոտեցմամբ։ Նա դժգոհ էր, որ Սթարմերը անձամբ չի տեղեկացրել իրեն և զգուշանում է ամեն ինչից, որը կարող է ստվեր գցել իր պետական այցի վրա (Մեծ Բրիտանիա- խմբ․) հաջորդ շաբաթ», - ասվում է հոդվածում։
Աղբյուրը հավելել է, որ Սպիտակ տունը այժմ մտահոգված է, որ ԱՄՆ նախագահի այցը կմնա Մանդելսոնի սկանդալի ստվերում, և կցանկանար, որ Լոնդոնը արագորեն նշանակի իր իրավահաջորդին։
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
