Մեծ Բրիտանիան համալրել է Ռուսաստանի դեմ պատժամիջոցների ցանկը

Մեծ Բրիտանիան ընդլայնել է հակառուսական պատժամիջոցների ցանկը 30 կետով։ Այս մասին ասվում է երկրի ֆինանսների նախարարության կայքում հրապարակված փաստաթղթում։

«Ռուսաստանի դեմ պատժամիջոցների ռեժիմի շրջանակներում ավելացվել է 70 նոր պարզաբանում և 30 նոր կետ», - ասվում է հաղորդագրության մեջ։

Փաստաթղթում նշվում է, որ, մասնավորապես, պատժամիջոցներ են կիրառվել ԽՍՀՄ 50-ամյակի անունով Բրյանսկի քիմիական գործարանի և քիմիական արդյունաբերության «Անոզիտ» ձեռնարկության նկատմամբ։

Բացի այդ, ընդլայնված ցանկում ներառված են կոնդենսատորների արտադրող «Էլեկոնդ» ԲԲԸ-ն, «Իկար» փորձարարական նախագծման բյուրո ԲԲԸ-ն և օպտոէլեկտրոնային սարքավորումների արտադրող «Պրոտոն» ԲԲԸ-ն։