Բելառուսում մեկնարկում են «Արևմուտք-2025» ռուս-բելառուսական զորավարժությունները

Բելառուսում մեկնարկում են ռուս-բելառուսական «Արևմուտք-2025» ռազմավարական զորավարժությունները։

Բելառուսի և Ռուսաստանի զինված ուժերի համատեղ զորավարժությունները կանցկացվեն սեպտեմբերի 12-ից 16-ը։

Զորավարժությունների ընթացքում նախատեսվում է վարժանքներ կատարել թշնամու օդային հարձակման զենքերի հարձակումները հետ մղելու, պաշտպանական մարտ վարելու, պաշտպանությունը թափանցած թշնամուն հաղթելու և պետության տարածքային ամբողջականությունը վերականգնելու համար պայմաններ ստեղծելու վերաբերյալ։

«Բացի այդ, կկիրառվի զորքերի գործողությունների օդային աջակցություն և թշնամու անօրինական զինված կազմավորումների, դիվերսիոն և հետախուզական խմբերի դեմ պայքար», -հայտնել է Բելառուսի պաշտպանության նախարարությունը։

Զորավարժությունների վրա հսկողություն է իրականացնում Բելառուսի զինված ուժերի գլխավոր շտաբը։