53-ամյա Քեմերոն Դիասը երկար ժամանակ անց առաջին անգամ հանրային միջավայրում է հայտնվել դստեր հետ

Դերասանուհի Քեմերոն Դիասը երկար ժամանակ անց առաջին անգամ հայտնվել է զբոսանքի իր դստեր՝ Ռեդիքսի հետ։ Այս մասին հաղորդում է PageSix-ը։

53-ամյա Քեմերոն Դիասը հագել էր ջինսե բաճկոն, տաբատ և սպիտակ մարզաշապիկ, իսկ նրա դուստրը, որը սկուտերով էր զբոսնում, հագել էր կատուների պատկերներով զգեստ և վարդագույն զուգագուլպաներ։ Դերասանուհին կերպարը լրացրել է ակնոցներով և շագանակագույն կաշվե պայուսակով։

Անցյալ տարի հայտնի դարձավ, որ Քեմերոն Դիասը և նրա ամուսինը՝ կիթառահար Բենջի Մեդենը, երկրորդ անգամ ծնողներ են դարձել։ Զույգը որդի է ունեցել՝ Կարդինալ։ Դերասանուհին և երաժիշտը լուրը գաղտնի են պահել և միայն որոշ ժամանակ անց լուրով կիսվել են Instagram-ում։ Սակայն նրանք սովորաբար ոչինչ չեն ասում իրենց անձնական կյանքի մասին։

Քեմերոն Դիասը և Բենջի Մեդենը ամուսնացած են 2015 թվականից։ 2019 թվականին հոլիվուդյան դերասանուհին առաջին անգամ մայր դարձավ՝ նա դուստր ունեցավ՝ Ռեդիքսին։ Ամուսնանալուց հետո հայտնին դադարեց նկարահանվել ֆիլմերում։ Անցյալ տարվա հոկտեմբերին Fortune Women of Influence Summit-ում նա բացատրեց, որ լքել է ոլորտը՝ կենտրոնանալու ընտանիքի վրա և գինու բիզնես սկսելու համար։

Թարգմանությունը՝ Lurer.com-ի