Թրամփը կրկին շփոթել է Հայաստանը և Ալբանիան՝ խոսելով չլուծվող հակամարտության մասին

ԱՄՆ նախագահ Դոնալդ Թրամփը Fox News-ին տված հարցազրույցում հայտարարել է, թե «կարողացել է լուծել երկարամյա պատերազմը Ադրբեջանի և Ալբանիայի միջև»՝ կրկին շփոթելով Ալբանիան Հայաստանի հետ։ Նա ընդգծել է, որ այս «չլուծվող հակամարտությունը» տարիներ շարունակ շարունակվել է, սակայն իր ջանքերով դադարեցվել է։

Սա առաջին դեպքը չէ, երբ ամերիկյան առաջնորդը սխալմամբ շփոթում է երկու երկրները։ Օգոստոսին Թրամփը ևս մեկ հարցազրույցի ընթացքում Հայաստանին անվանել էր Ալբանիա՝ հարուցելով քննադատություն միջազգային մամուլում։

Հայտարարությունը զարմանք է առաջացրել, քանի որ Ադրբեջանի հետ լարված հարաբերություններ ունի Հայաստանը, մինչդեռ Ալբանիան Հարավային Կովկասի հակամարտություններին ներգրավված չէ։