ԱՄՆ-ն պատժամիջոցներ է սահմանել 32 օտարերկրյա ընկերության՝ Ռուսաստանի հետ կապերի համար

ԱՄՆ Առևտրի նախարարությունը հայտարարել է 32 օտարերկրյա ընկերության նկատմամբ նոր պատժամիջոցների մասին՝ մեղադրելով նրանց Ռուսաստանի ռազմական ոլորտին տեխնոլոգիաների փոխանցման, ԱՄՆ-ի արտադրանքի առանց թույլտվության վաճառքի և արտահանման վերահսկողության ենթակա ապրանքների մատակարարման մեջ։ Պատժամիջոցների տակ են հայտնվել 23 չինական, երեք թուրքական, երկու՝ ԱՄԷ-ի ընկերություններ, ինչպես նաև մեկական՝ Հնդկաստանից, Իրանից, Սինգապուրից և Թայվանից։

Վաշինգտոնը նշել է, որ այս ընկերությունների գործունեությունը հակասում է ԱՄՆ ազգային անվտանգության և արտաքին քաղաքականության շահերին։ Սպիտակ տունը վերջին ամիսներին ակտիվացրել է երկրորդային պատժամիջոցների սպառնալիքները՝ դժգոհելով Ռուսաստանի դիրքորոշումից ուկրաինական պատերազմի հարցում։

Հնդկաստանից ռուսական նավթի խոշոր գնումների պատճառով ԱՄՆ-ն արդեն կրկնակի բարձրացրել է մաքսատուրքերը՝ հասցնելով դրանք 25 տոկոսի։ Վաշինգտոնը փորձում է համոզել ԵՄ-ին և «Մեծ յոթնյակի» երկրներին կիրառել 50-100 տոկոսանոց մաքսեր Չինաստանի և Հնդկաստանի նկատմամբ՝ ավելացնելով տնտեսական ճնշումը Մոսկվայի դաշնակիցների վրա։