Պուտինը կոչ է արել պահպանել Ռուսաստանի «դիրքերը տիեզերքում»

Ռուսաստանի նախագահ Վլադիմիր Պուտինը Մոսկվայի օրվա միջոցառմանը՝ «Զարյադյե» զբոսայգում ունեցած ելույթում, հայտարարել է, որ անհրաժեշտ է անել ամեն ինչ՝ պահպանելու համար Ռուսաստանի առաջնորդող դիրքերը տիեզերքի ուսումնասիրության և տիեզերական տեխնոլոգիաների զարգացման ոլորտում։ Նրա խոսքերով՝ երկիրը պետք է շարունակի մնալ գլոբալ խաղացող այս ռազմավարական ուղղությամբ։

Տիեզերական ոլորտի փորձագետներ Վալենտին Ուվարովն ու «Ռոսկոսմոսի» ղեկավար Դմիտրի Բականովը նախապես նշել էին, որ ոլորտում զգացվում է իրավաբանների, տնտեսագետների և միջազգային վերլուծաբանների խիստ պակաս։ Բականովը ընդգծել է, որ ռուս հասարակության պահանջը տիեզերքում առաջատար դիրքերի նկատմամբ դեռ լիարժեք չի բավարարվում։

Թեև Ռուսաստանը շարունակում է ներկայանալ տիեզերական շուկայի բոլոր հատվածներում, վերջին տարիներին արձանագրվել է մեկնարկների կտրուկ նվազում։ 2024 թվականին իրականացվել է ընդամենը 17 արձակումը՝ 2022-ի 25-ի համեմատ, մինչդեռ ԱՄՆ-ն նույն տարում կատարել է 160, իսկ Չինաստանը՝ 70 արձակում։