ՆԱՏՕ-ն սկսել է Grand Eagle 2025 զորավարժությունները Լիտվայում

ՆԱՏՕ-ի երկրները սկսել են Grand Eagle 2025 լայնածավալ զորավարժությունները՝ նպատակ ունենալով մշակել զորքերի և ռազմական տեխնիկայի արագ տեղակայում Լիտվայի տարածքում։ Նիդերլանդների Բրյունսյում քաղաքում տեղակայված ՆԱՏՕ-ի միացյալ հրամանատարությունը նշել է, որ վարժանքները միտված են արդյունավետ և համակարգված տեղաշարժի ապահովմանը։

Զորավարժությունների հիմնական նպատակը արևելյան ֆլանգի պաշտպանունակության բարձրացումն ու դաշնակիցների օպերատիվ փոխգործակցության մակարդակի ամրապնդումն է։ Grand Eagle 2025-ը դիտվում է որպես կարևոր քայլ ՆԱՏՕ-ի արագ արձագանքման կարողությունների ընդլայնման ուղղությամբ՝ տարածաշրջանի լարվածության աճի պայմաններում։

Նախօրեին Լեհաստանի զինված ուժերի գլխավոր շտաբը հայտնել էր «Արևելյան պահակ» գործողության շրջանակում ռազմական միջոցառումների մեկնարկի մասին, որը հռչակվել է ՆԱՏՕ-ի գլխավոր քարտուղար Մարկ Ռյուտտեի կողմից։