Դրոնային հարձակում Պերմի մարզում․ տուժածներ չկան

Ուկրաինայի զինված ուժերի կողմից կիրառված անօդաչու թռչող սարքը հարվածել է Պերմի մարզի Գուբախա քաղաքի արդյունաբերական ձեռնարկությանը։ Տեղեկությունը հաստատել է մարզի նահանգապետ Դմիտրի Մախոնինը՝ նշելով, որ տուժածներ չկան, և գործարանը շարունակում է աշխատանքը բնական ռեժիմով։ Մախոնինը նաև կոչ է արել բնակիչներին պահպանել հանգստություն՝ ընդգծելով, որ նրանց կյանքին վտանգ չի սպառնում։

Հարձակման վայրում գործում են օպերատիվ ծառայությունները՝ ստուգելով տարածքը և ապահովելով անվտանգության միջոցառումներ։

Ավելի վաղ հաղորդվել էր, որ Ուֆայի «Новойл» նավթավերամշակման գործարանում անօդաչու սարքի հարվածից հետո պայթյուն էր տեղի ունեցել։ Տեղացիները հրապարակել էին կադրեր՝ ցուցադրելով հարձակման պահը, կրակը և բարձրացող ծուխը։