Իրանի Անվտանգության խորհուրդը հավանություն է տվել ԱՏԷՄԻԳ-ի հետ համագործակցության նոր համաձայնագրին
Աշխարհ
Իրանի Գերագույն ազգային անվտանգության խորհուրդը հաստատել է Թեհրանի և ԱՏԷՄԻԳ-ի միջև համագործակցության նոր համաձայնագիրը, որը ստորագրվել է գործակալության գլխավոր տնօրեն Ռաֆայել Գրոսիի և արտաքին գործերի նախարար Աբբաս Արաղչիի կողմից Կահիրեում։
«Համաձայնագրի կետերի տեքստը վերանայվել է Գերագույն ազգային անվտանգության խորհրդի միջուկային կոմիտեի կողմից, և ստորագրված ամեն ինչ, ըստ էության, հաստատվել է կոմիտեի կողմից», – հայտարարության մի հատված է մեջբերում NourNews-ը։ Ինչպես նշված է փաստաթղթում, կոմիտեն լիազորված է գործել և որոշումներ կայացնել ԱԳԽ-ի անունից այս հարցում։
Հունիսի 25-ին Իրանի խորհրդարանի անդամները հաստատել են Իսլամական Հանրապետության և ԱՏԷՄԻԳ-ի միջև համագործակցությունը կասեցնելու մասին օրինագծի տեքստը։ Հուլիսի 2-ին Իրանի նախագահ Մասուդ ՓեզեշՔիանը ստորագրել է օրենքը։ Իրանի արտաքին գործերի նախարար Աբբաս Արաղչին, իր հերթին, նշել է, որ նոր օրենքը պարզաբանում է ԱՏԷՄԻԳ-ի հետ համագործակցության շրջանակը, բայց ամբողջությամբ չի փակել փոխգործակցության ուղիները և այս հարցի վերաբերյալ որոշումը թողել է երկրի Գերագույն ազգային անվտանգության խորհրդի հայեցողությանը։
ՈՒՂԻՂ ԵԹԵՐ
Ամենադիտված 
Ջուր հավաքեք. բազմաթիվ հասցեներում երկար ժամանակ ջուր չի լինելու
