Հռոմի պապ Լևոն XIV-ն անիրատեսական է անվանել Վատիկանի միջնորդությունը ռուս-ուկրաինական hակամարտության կարգավորման գործում
Աշխարհ
Հռոմի պապ Լևոն XIV-ը անիրատեսական է անվանել Վատիկանի միջնորդությունը ռուս-ուկրաինական հակամարտության կարգավորման գործում: Այս մասին հայտնել է Crux պորտալը։
Նա նշել է, որ կտարբերակեր Սուրբ Աթոռի ձայնը, որը պաշտպանում է խաղաղությունը, և նրա միջնորդի դերը։
«Կարծում եմ՝ մարդիկ լսեցին իմ կոչերը, կոչերը՝ լսելու այս ձայնը՝ քրիստոնյաների և բարի կամքի մարդկանց ձայնը, որ խաղաղությունը միակ ելքն է», – հավելել է պապը։
Լևոն XIV-ը նշել է, որ հակամարտության սկզբից ի վեր Վատիկանը մեծ ջանքեր է գործադրել պահպանելու այնպիսի դիրքորոշում, որը «չի նշանակի կողմ ընտրել, այլ չեզոք մնալ»։
Հռոմի պապը հավելել է, որ կողմերից յուրաքանչյուրի դիրքորոշման մեջ կարելի է գտնել ինչպես դրական, այնպես էլ բացասական կողմեր։
Օգոստոսի 15-ին հաղորդվել է, որ Հռոմի պապը Կույս Մարիամի Վերափոխման կաթոլիկ տոնի օրը, որը համընկավ Ուկրաինայի ճգնաժամի կարգավորման վերաբերյալ ԱՄՆ-Ռուսաստան գագաթնաժողովի հետ, աղոթք է արել աշխարհում ռազմական հակամարտությունների «աճող, խլացնող բռնության» խաղաղ դադարեցման համար։
Ավելի վաղ Հռոմի պապը առաջարկել էր Զելենսկիին բանակցություններ վարել Ռուսաստանի հետ Վատիկանում։
ՈՒՂԻՂ ԵԹԵՐ
Ամենադիտված 
Այսօր մեր ընտանիքին բաժին հասավ ամենածանր կորուստը
