Չինաստանում 7-ամյա տղան և նրա 2-ամյա քույրը մահացել են հարյուրավոր իշամեղուների հարձակումից հետո

Չինաստանում յոթամյա տղան և նրա երկու տարեկան քույրը մահացել են հարյուրավոր իշամեղուների խայթոցներից հետո, գրում է South China Morning Post-ը։

Լրատվամիջոցների հաղորդագրությունների համաձայն՝ երեխաները տատիկի խնամքի տակ էին, մինչ նրանց ծնողները աշխատում էին մեկ այլ նահանգում։ Մի օր թոշակառուն թոռներին տարել է դաշտ, որից հետո նրանք գնացել են անտառում խաղալու։ Այնտեղ նրանց վրա հարձակվել է իշամեղուների մի խումբ։ Հոր խոսքով՝ յուրաքանչյուր երեխայի մարմինը ծածկված էր խայթոցներով. տղային խայթել են ավելի քան 300 անգամ, աղջկան՝ մոտ 700։ Բժիշկների ջանքերին չնայած՝ տղան հաջորդ օրը մահացել է հիվանդանոցում, իսկ քույրը՝ մինչև շտապօգնության ժամանումը։ Տատիկը նույնպես բազմաթիվ խայթոցներ է ստացել և մեկ շաբաթ անցկացրել է հիվանդանոցում։

Ոստիկանությունը պարզել է, որ իշամեղուները պատկանում են Լի անունով տեղացի բնակչի։ Տղամարդը կալանավորվել է չկանխամտածված սպանության մեղադրանքով, բայց ավելի ուշ ազատ է արձակվել գրավի դիմաց։ Նա զոհերի ընտանիքին վճարել է 5,6 հազար դոլար փոխհատուցում՝ ասելով, որ շատ գումար չունի։

Դեպքից հետո Լին ոչնչացրեց իր բոլոր փեթակները։ Բացի այդ, պաշտոնյաները հայտարարեցին, որ չինացին չի գրանցել միջատների բուծումը, ինչպես պահանջվում է կանոնակարգերով։

Թարգմանությունը՝ Lurer.com-ի