ԵՄ-ի վճարումները ռուսական գազի համար հասել են 21-րդ դարի նվազագույնին

Եվրամիությունը հուլիսին ռուսական գազի խողովակաշարային մատակարարումների համար վճարել է ընդամենը 338 միլիոն եվրո՝ սա նվազագույն ցուցանիշն է 1999 թվականի հոկտեմբից ի վեր։ Ներառելով հեղուկ բնական գազի մատակարարումները՝ Ռուսաստանի ընդհանուր վաճառքը ԵՄ-ին կազմել է 995 միլիոն եվրո։ Առաջատար գնորդներն են Հունգարիան՝ 183 միլիոն եվրոյով, և Հունաստանը՝ 111 միլիոնով։

Տարեսկզբից ԵՄ-ն գնել է ռուսական խողովակաշարային գազ մոտ 3,2 միլիարդ եվրոյի չափով, ինչը 750 միլիոնով պակաս է անցած տարվա նույն ժամանակահատվածից։ Հունգարիայի մասնաբաժինը կազմում է ավելի քան կեսը՝ 1,7 միլիարդ։ Այսօր մատակարարումների հիմնական ուղին «Թուրքական հոսք» գազատարն է, քանի որ Ուկրաինայի տարածքով մատակարարումները դադարեցվել են։

Եվրակոմիսարի տվյալներով՝ ԵՄ-ն քննարկում է ռուսական գազի ներկրման ամբողջական արգելքը։ Մինչդեռ «Գազպրոմ»-ի ղեկավար Ալեքսեյ Միլլերը զգուշացնում է՝ առանց ռուսական գազի Եվրոպան կարող է ձմռանը կանգնել լուրջ խնդիրների առաջ, փոխանցում է Лента.ру-ն։