Ռուսաստանի դեմ եվրոպական պատժամիջոցները չափազանց թույլ են․ Թրամփ

Եվրոպական երկրների կողմից Ռուսաստանի նկատմամբ կիրառված պատժամիջոցները չափազանց թույլ են, հայտարարել է ԱՄՆ նախագահ Դոնալդ Թրամփը։ Այս մասին հաղորդում է ՏԱՍՍ-ը։

Պետության ղեկավարը Նյու Ջերսի նահանգի Բեդմինստեր քաղաքում Սպիտակ տան մամուլի ասուլիսի ժամանակ լրագրողների հետ զրույցում նշել է, որ եվրոպական երկրների կողմից կիրառված հակառուսական պատժամիջոցները բավականաչափ խիստ չեն։ Թրամփի խոսքով՝ ինքը պատրաստ է սահմանափակումներ կիրառել Ռուսաստանի նկատմամբ, բայց, միևնույն ժամանակ, եվրոպացիները պետք է խստացնեն իրենց պատժամիջոցները, որպեսզի դրանք համապատասխանեն Վաշինգտոնի գործողություններին։