«Գոյ» թատրոնի ոչնչացման նոր էջ է սկսվել. Արզումանյան
Գիտություն և Մշակույթ
«Մեկ ամիս առաջ հեռացրին թատրոնի պաստառները, անվանումը, տոմսարկղը։ Մենք գիտեինք, բայց չբարձրաձայնեցինք։ Սակայն այսօր այլևս լռել հնարավոր չէ․ քանի որ տեղեկություններ ունենք, որ արդեն քանդում են «Գոյ թատրոնի» ԲԵՄԸ»,- այս մասին ահազանգում է «Գոյ» թատրոնի կառավարման խորհրդի նախագահ Սարգիս Արզումանյանը՝ ընդգծելով, որ «Գոյ թատրոնի» ոչնչացման նոր էջ է սկսվել։
Ըստ նրա, այս ամենը փաստում է մեկ բան․ որոշ փոքրահոգի և թատրոնից հեռու մարդիկ թատրոն չէին ուզում, նրանց պետք էր պարզապես տարածք։
«Գ. Սունդուկյանի անվան ազգային ակադեմիական թատրոնի տնօրենը, իր անպատասխանատու և ստոր որոշումներով, իրականում ոչ թե ծառայում է արվեստին, այլ իրականացնում է ցինիկ գույքաբաշխման ծրագիր։ Այսօր նա հանդես է գալիս ոչ թե որպես մշակույթի գործիչ, այլ որպես «կացին», որը քանդում է ոչ թե պատերը, այլ՝ թատրոնի հոգին։
Թատրոնը, որի հիմքում տասնամյակների պայքար և ստեղծագործական ժառանգություն կա, վերածվում է իրենց համար «գրասենյակային տարածքի»։ Սա արվեստի հանդեպ արհամարհանքի գագաթնակետն է։
Հիշեցնեմ․ գործը դեռ դատարանում է։ Եվ մինչ դատարանը պետք է որոշում կայացնի, նրանք արդեն գործում են որպես դատավոր ու դահիճ։ Սա ոչ միայն անօրինական է, այլև՝ մշակութային հանցագործություն»,- է Ս.Արզումանյանը։
ՈՒՂԻՂ ԵԹԵՐ
Ամենադիտված 
Թրամփը նշել է «աշխարհի մեծագույն առաջնորդներից» երկուսի անունները
