NASA-ի արբանյակները հայտնաբերել են նոր կղզի Ալյասկայում

Ալյասկայի հյուսիսային վայրերում բնությունը նոր հրաշք է ստեղծել․ ՆԱՍԱ-ի արբանյակային պատկերները բացահայտել են ամբողջովին նոր կղզի, որը առաջացել է հալվող սառցադաշտի հետևանքով։ Կղզին ձևավորվել է Ալսեկ լճում, որտեղ Ալսեկի սառցադաշտը տասնամյակներ շարունակ նահանջում էր՝ լիճը լցնելով հալոցքային ջրով։ Երկու արբանյակային պատկեր՝ նկարահանված դեռևս 1984թ. հուլիսի 5-ին, «Landsat 5»-ի TM սարքով և 2025թ. օգոստոսի 6-ին՝ «Landsat 9»-ի OLI-2 սարքով, հստակ ցույց են տալիս, թե ինչպես է սառցադաշտի նահանջը ժամանակի ընթացքում արմատապես փոխել լանդշաֆտը։