Մակրոնի վարկանիշը ռեկորդային ցածր մակարդակի է հասել․ JJD

Ֆրանսիայի նախագահ Էմանուել Մակրոնի վարկանիշը սեպտեմբերին ռեկորդային ցածր մակարդակի է հասել, հաղորդում է Le Journal du Dimanche-ը (JDD) ՝ հղում անելով Ֆրանսիայի հասարակական կարծիքի ինստիտուտի (IFOP) կողմից անցկացված հարցմանը։

Հարցվածների միայն 19%-ն է գոհ Ֆրանսիայի առաջնորդի աշխատանքից՝ սա 5%-ով պակաս է, քան օգոստոսին, հայտնում է աղբյուրը։ IFOP ինստիտուտի տվյալներով՝ նման ցուցանիշները դարձել են «բացարձակ հակառեկորդ» հարցման ողջ ժամանակահատվածի համար։ Ընդհանուր առմամբ, հարցման մասնակիցների 81%-ը բացասական կարծիք է հայտնել Մակրոնի աշխատանքի մասին։ Նրանցից 50%-ը լիովին հիասթափված է նախագահի գործողություններից, իսկ ևս 31%-ը՝ ընդհանուր առմամբ դժգոհ։

Ինչպես նշում է թերթը, ֆրանսիացիների շրջանում իրենց նախագահի նկատմամբ դժգոհության զգալի աճ է գրանցվել փոքր բիզնեսի ներկայացուցիչների և 65 տարեկանից բարձր քաղաքացիների շրջանում: Հրատարակությունը եզրակացնում է, որ հասարակության տարբեր շերտերի շրջանում աճում է երկրի ղեկավարության նկատմամբ հիասթափությունը: