Լեհաստանի նախագահի նստավայրի մոտ անօդաչու թռչող սարք է խոցվել

Լեհաստանի վարչապետ Դոնալդ Տուսկը հայտարարել է, որ Վարշավայում անօդաչու թռչող սարք է խոցվել։ Այն թռչում էր կառավարական շենքերի և Բելվեդերյան պալատի վրայով, որտեղ գտնվում է նախագահի նստավայրը։ 

«Պետական ​​անվտանգության ծառայությունը չեզոքացրել է անօդաչու թռչող սարք, որը թռչում էր կառավարական շենքերի (Պարկովայա փողոց) և Բելվեդերյան պալատի վրայով։ Ձերբակալվել են երկու Բելառուսի քաղաքացիներ։ Ոստիկանությունը հետաքննում է միջադեպի հանգամանքները», - գրել է Դոնալդ Տուսկը X սոցիալական ցանցում։

Սեպտեմբերի 10-ի գիշերը Լեհաստանի օդային տարածքը հատել է 19 անօդաչու թռչող սարք։ Երկրի իշխանությունները պնդում են, որ անօդաչու թռչող սարքերը ռուսական են եղել։ Ռուսաստանի պաշտպանության նախարարությունը հայտարարել է, որ երկրի բանակը մտադիր չէ հարվածել Լեհաստանում գտնվող թիրախներին։ Սեպտեմբերի 13-ին Լեհաստանը կրկին օդ բարձրացրեց կործանիչներ՝ անօդաչու թռչող սարքերի սպառնալիքի պատճառով։