Տիկնիկներ արտադրող Labubu ընկերության բաժնետոմսերը 25%-ով անկում են ապրել

Laboubu տիկնիկներ արտադրող չինական Pop Mart ընկերության բաժնետոմսերը վերջին երեք շաբաթվա ընթացքում նվազել են գրեթե 25%-ով, հայտնել է Financial Times-ը օգոստոսի 15-ին։

Ընկերության բաժնետոմսերը ներկայումս 7%-ով ցածր են ուրբաթ օրվա առևտրային նստաշրջանի ավարտին գրանցված մակարդակից։ Նշվում է, որ առևտրի սկզբում բաժնետոմսերի գինը նվազել է գրեթե 9%-ով, ինչը նրանց արժեքի ամենաարագ անկումն էր օրվա ընթացքում ապրիլի 2-ից ի վեր, երբ ԱՄՆ նախագահ Դոնալդ Թրամփը հայտարարեց աշխարհի մեծ մասից ապրանքների ներմուծման մաքսատուրքերի սահմանման մասին։

Հոդվածում նշվում է, որ հիմնական պատճառը ներդրողների աճող կասկածամտությունն էր ընկերության հիմնական արտադրանքի՝ «Լաբուբու» տիկնիկի ժողովրդականության կայունության վերաբերյալ։

Pop Mart-ը գնի նվազումը բացատրում է նաև մատակարարման աճով։

«Արտադրանքն ավելի մատչելի դարձավ, և ավելի շատ մարդիկ կարողացան այն գնել։ Երկարաժամկետ հեռանկարում սա կնպաստի ընկերության գործունեության հետագա զարգացմանը», - նշել է Pop Mart-ը։