«Գազան այրվում է»․ Իսրայելի ՊՆ ղեկավար

Իսրայելը գիշերը ռմբակոծել է Գազան, հաղորդում է BBC-ն: Իսրայելի պաշտպանության ուժերը սեպտեմբերի 15-ի ուշ երեկոյան սկսել են Գազա քաղաքը գրավելու  ցամաքային գործողություն, հաղորդում են The Jerusalem Post-ը և Axios-ը։

Իսրայելի պաշտպանության բանակի բարձրաստիճան պաշտոնյան Axios-ին ասել է, որ զորքերը մտել են Գազա քաղաք և առաջիկա օրերին նրանց կմիանան լրացուցիչ ուժեր: Իսրայելի բանակը փորձում է գրավել քաղաքի հյուսիսային մասը, հաղորդում է Al Jazeera-ն: Իսրայելը դեռևս պաշտոնապես չի հաստատել այս տեղեկատվությունը, հաղորդում է Meduza-ն։

Երեքշաբթի առավոտյան Իսրայելի պաշտպանության նախարար Իսրայել Կացը X-ում գրել է. «Գազան այրվում է», սպառնալով, որ Իսրայելը «չի նահանջի կամ չի վերադառնա, մինչև առաքելության ավարտը»։