Զինված ամբոխը հարձակվել է Լիբիայի անցումային խորհրդի շենքի վրա

Այսօր կայանալիք Լիբիայի ազգային անցումային խորհրդի անդամների հանդիպումը տեղափոխվել մեկ այլ անվտանգ վայր անվտանգության նկատառումներից ելնելով։ Այս մասին հաղորդում է France-Presse լրատվական գործակալությունը։ 

Ըստ անցումային խորհրդի ներկայացուցչի՝ հունվարի 21–ին Լիբիայի ժամանակվոր կառավարությունը պատշաճ կերպով չի կարողացել ավարտել իր աշխատանքային օրը՝ պայմանավորված նոր ռեժիմի դեմ դուրս եկած ամբոխի Բենգազիում կազմակերպած բախումներով։ Մոտ երկու հազարանոց ամբոխը հարձակվել է ժամանակվոր կառավարության շենքի վրա՝ օգտագործելով ինքնաշեն նռնակներ, որի հետևանքով շենքի արտաքին մասը այրվել է։

Այսօր՝ կեսօրին ժամանակվոր կառավարության դեմ բողոքի են դուրս եկել մոտ 4 հազ. մարդ, որոնց մեջ եղել են նաև Քադաֆիի դեմ կռված անցումային ուժերի զինվորականներ՝ պահանջելով ժամանակվոր կառավարության հրաժարականը։ 

Լիբիայի ազգային անցումային խորհրդի ղեկավարը ցուցարարներին հանդարտության և հնարավորություն տալու կոչ է արել, իսկ մի քանի ժամ անց իրավիճակը հանդարտեցնելու համար հեռացրել է Բենգազի քաղաքի կառավարիչին։ Իսկ ավելի ուշ հայտնի է դարձել, որ հրաժարական է տվել անցումային խորհրդի ղեկավարի տեղակալը՝ հայտարարելով, որ ինքը հրաժարական է տալիս հանուն Լիբիայի շահերի։