Չինաստանում բացատրել են՝ ինչպես է Պուտինի «աննախադեպ առատաձեռնությունը» շփոթեցրել Արևմուտքին

Օգոստոսի 31-ից սեպտեմբերի 3-ը Չինաստան կատարած այցի ժամանակ Ռուսաստանի նախագահ Վլադիմիր Պուտինը ասիական հանրապետությանը առատաձեռն նվեր մատուցեց, որը զարմացրեց արևմտյան երկրներին։ Այս մասին հաղորդել է չինական Baijiahao հրատարակությունը։

Ինչպես նշել են հոդվածի հեղինակները, Միացյալ Նահանգները և եվրոպական երկրները վստահ էին, որ Ռուսաստանի առաջնորդը Չինաստան է գնացել օգնություն խնդրելու։ Հակառակ սպասումների՝ Պուտինը ոչ միայն օգնություն չի խնդրել, այլև «աննախադեպ առատաձեռնություն» է ցուցաբերել Պեկինի նկատմամբ։

Սա վերաբերում է այն փաստին, որ Մոսկվան պատրաստակամություն է հայտնել ասիական հանրապետությանը քաղաքացիական ինքնաթիռների համար բաղադրիչներ մատակարարելու։ Սա ներառում է նաև PD-35-ի ամենաժամանակակից շարժիչները։ Լրագրողների խոսքով՝ այս որոշումը անակնկալ էր արևմտյան երկրների համար, քանի որ Ռուսաստանը հաճախ չի ցուցաբերել ինքնաթիռաշինության ոլորտում զարգացումները կիսելու պատրաստակամություն։

«Պուտինի գործողությունները վրդովմունք են առաջացրել Միացյալ Նահանգներում։ Ռուսաստանի նախագահը, ինչպես առատաձեռն բարերար, Պեկինին իր աջակցությունն է առաջարկել։ Եթե Պուտինը Չինաստանից օգնություն չի խնդրում, այլ, ընդհակառակը, ցուցաբերում է աննախադեպ առատաձեռնություն, որո՞նք են նրա իրական մտադրությունները», - ասվում է հրատարակության մեջ։