Թուրքիան ցանկանում է արդիականացնել նավատորմը Ասիա զենքի արտահանման հաշվին․ Nikkei Asia

Թուրքիան մտադիր է մասամբ ֆինանսավորել նավերի կառուցումը Ասիայի երկրներին սպառազինություն վաճառելու միջոցով՝ հնդկա-Խաղաղօվկիանոսյան տարածաշրջանում լարվածության ֆոնին: Այս մասին հայտնել Է Nikkei Asia-ն՝ վկայակոչելով վերլուծաբաններին։

«Թուրքիան հույս ունի մասամբ ֆինանսավորել նավատորմի արդիականացումը բարեկամ և դաշնակից երկրների նկատմամբ ագրեսիվ արտահանման քաղաքականության միջոցով, քանի որ Հարավչինական ծովի շուրջ վեճերը, Պակիստանի և Հնդկաստանի միջև լարվածությունը և հնդկա-Խաղաղօվկիանոսյան տարածաշրջանի այլ խնդիրները մեծացնում են սպառազինության պահանջարկը», - հայտնել է վերլուծաբանը:

Ըստ տվյալների՝ Անկարան մտադիր է ռազմածովային նավատորմի արդիականացման համար ծախսել մոտ 13 մլրդ դոլար, միջոցների մի մասը կառավարությունը նախատեսում է ստանալ արտահանման միջոցով: Պորտալը հայտնել է՝ Թուրքիան 2025 թվականին արդեն համաձայնագիր է ստորագրել Ինդոնեզիայի հետ ֆրեգատների մատակարարման վերաբերյալ։