Պետդումայում քննարկվում է կենսաթոշակների հաշվարկի փոփոխությունը

Ռուսաստանի Պետդումայի սոցիալական քաղաքականության կոմիտեի անդամ Սվետլանա Բեսարաբը հայտարարել է, որ անհրաժեշտ է դիտարկել երկարատև աշխատանքային ստաժ ունեցող քաղաքացիների համար հավելավճարների ներդրումը։ Նրա խոսքով՝ հնարավոր է ավելացնել անհատական կենսաթոշակային գործակիցները, որպեսզի մարդկանց տարիների աշխատանքը ավելի տեսանելի դառնա կենսաթոշակի հաշվարկում։

Նախաձեռնության հեղինակ, պատգամավոր Սերգեյ Գավրիլովը առաջարկել է սահմանել հավելավճարներ ոչ միայն երկարատև աշխատանքի, այլև սոցիալական մասնագիտությունների համար՝ հատկապես բժիշկների և ուսուցիչների։ Բեսարաբը նշել է, որ գործող օրենսդրությամբ արդեն կա հնարավորություն՝ հրաժարվելով կենսաթոշակի անցումից և աշխատելով ևս հինգ տարի, ստանալ 40 տոկոս հավելավճար, իսկ 10 տարվա դեպքում՝ կրկնակի։

Միաժամանակ պատգամավորը ընդգծել է, որ այս տարբերակը քիչերին է հասանելի ֆինանսական պատճառներով։ Նրա կարծիքով՝ անհրաժեշտ է ապահովել արդարացի մոտեցում, որպեսզի երկարատև աշխատանքի համար պարգևատրումը տրամադրվի անկախ նրանից՝ քաղաքացիքը շարունակում է աշխատել, թե ոչ։ Նա հավելել է նաև, որ առաջնային է բարձրացնել հատկապես ուսուցիչների և բժիշկների աշխատավարձերը, որպեսզի նրանց ապագա կենսաթոշակները նույնպես լինեն արժանապատիվ, գրում է Лента.ру-ն։