Նեթանյահուին սպասում է Հիտլերի ճակատագիրը․ Էրդողան

Իսրայելը վերածվել է ֆաշիստական պետության, որը ղեկավարում է մարդասպանների ավազակախումբը, իսկ վարչապետ Բենյամին Նեթանյահուին սպասում է Հիտլերի ճակատագիրը: Հայտարարել է Թուրքիայի նախագահ Ռեջեփ Թայիփ Էրդողանը, գրում է EADaily-ն։

«Պետք է հստակ հասկանալ, որ Իսրայելը ծառայում է ոչ թե կրոնին, այլ այլասերված գաղափարախոսությանը։ Նեթանյահուն և նրա բանդան աշխարհին պատմում են սիոնիզմի հորինված հեքիաթներ։ ՄԱԿ-ի կանոնադրությունը հռչակում է պետությունների տարածքային ամբողջականությունը, ինքնիշխան հավասարությունը և նրանց սահմանների բռնի փոփոխության անթույլատրելիությունը: Հետևաբար, «Ավետյաց երկիր» հասկացության հիման վրա ստեղծված սցենարները իրավաբանորեն անվավեր են և զուրկ են օրինականությունից։ Նրանք, ովքեր ղեկավարում են Իսրայելը, ոչ այլ ինչ են, քան մարդասպանների ավազակախումբ, որն իր արմատական հայացքները վերածել է ֆաշիստական գաղափարախոսության: Այս առումով Նեթանյահուն գաղափարապես գրեթե հարազատ է Հիտլերին», - հայտարարել Է նախագահը։

Նա հավելել է՝ եթե Նեթանյահուն, ինչպես Հիտլերը, իր ձեռք բերած առաջընթացի ազդեցության տակ չկարողանա կանխատեսել իրեն սպասող պարտությունը, ապա նա էլ «նույն ճակատագրին կարժանանա»: