Էրդողանը Նեթանյահուին համեմատել է Հիտլերի հետ

Իսրայելի կողմից Կատարի մայրաքաղաք Դոհայում ՀԱՄԱՍ–ի պատվիրակության նստավայրի վրա հարձակումը միջազգային համակարգին և միջազգային իրավունքին ուղղված բաց մարտահրավեր է։ Այս մասին հայտարարել է Թուրքիայի նախագահ Ռեջեփ Թայիփ Էրդողանը՝ Կատար կատարած այցից հետո ինքնաթիռում պատասխանելով լրագրողների հարցերին։

Նրա խոսքով՝ Իսրայելի ներկայիս իշխանությունները «մարդասպանների մի համայնք են, որոնք իրենց արմատական ​​հայացքները վերածել են ֆաշիստական ​​գաղափարախոսության»։

«Նեթանյահուն գաղափարախոսորեն շատ մոտ է Հիտլերին, ով չէր կարող կանխատեսել իր պարտությունը։ Նույն ճակատագիրն է սպասվում նրան», - նշել է թուրք առաջնորդը։

Էրդողանը նշել է, որ Արևմտյան երկրների կողմից Պաղեստին պետության ճանաչումը «Իսրայելին ավելի շատ անկյուն կգցի»։ Նրա խոսքով՝ Թուրքիան մտադիր է այս հարցը կրկին բարձրացնել ՄԱԿ-ի ամբիոնից։