Ռուսաստան և Ղրղզստան ստորագրել են հուշագիր պատմական ճշմարտության պահպանման մասին

Ռուսաստանի և Ղրղզստանի իշխանությունները Ալթայում կայացած միջազգային գիտաժողովի շրջանակում ստորագրել են հուշագիր՝ ուղղված պատմական ճշմարտության պահպանմանը և միասնական պատմական ժառանգության պաշտպանությանն։ Փաստաթուղթը ստորագրել են Ռուսաստանի նախագահի օգնական Վլադիմիր Մեդինսկին և Ղրղզստանի պետական քարտուղար Մարատ Իմանկուլովը։

Հուշագրով նախատեսվում է ստեղծել ռուս-ղրղզական փորձագիտական խորհուրդ, որը համակարգելու է երկու երկրների պատմաբանների և մասնագետների աշխատանքը։ Խորհուրդը կզբաղվի ուսումնական գրականության պատրաստմամբ ու փորձաքննությամբ, ինչպես նաև պատմական կրթական ծրագրերի և համատեղ նախաձեռնությունների իրականացմամբ։

Կողմերը ընդգծել են հավասարության և պատմության միակողմանի մեկնաբանություններից խուսափելու կարևորությունը։ «Մեր նպատակն այն է, որ երկու երկրների երեխաները մեծանան բարեկամ ու հարևան՝ հարգանքով միմյանց պատմության ու հիշողության նկատմամբ», — նշել է Մեդինսկին՝ հավելելով, որ հուշագիրը նաև կնպաստի Ռուսաստանի և Ղրղզստանի հարաբերությունների ամրապնդմանը։