Ճապոնիայում կուսակցության առաջնորդի դերը կվստահվի արհեստական բանականությանը

Ճապոնական «Վերածննդի ուղի» կուսակցությունը հայտարարել է, որ իր նոր առաջնորդը լինելու է արհեստական բանականությունը։ Այդ մասին տեղեկացնում է The Japan Times-ը։

Կուսակցության ներկայացուցիչ, Կիոտոյի համալսարանի ասպիրանտ Կոկի Օկումուրան, որն իրեն ներկայացրել է որպես «նոր առաջնորդի օգնական», ասել է, որ AI-ն չի մշակելու քաղաքական գիծ, այլ զբաղվելու է ֆինանսական ռեսուրսների բաշխմամբ կուսակցության ներսում։

25-ամյա Օկումուրան վերջերս հաղթել էր կուսակցության ընտրություններում՝ դառնալով շարժման հիմնադիր Սինդզի Իսիմորուի հաջորդը։ Նշենք, որ սեպտեմբերի 11-ին Ալբանիան դարձավ առաջին երկիրը, որտեղ AI-ն ստացավ պետական նախարարի պաշտոն՝ զբաղվելով պետական գնումների համակարգմամբ։