Թրամփը հայտարարել է, որ Ուկրաինան լուրջ խնդիրներ ունի
Աշխարհ
Ուկրաինան ներկայումս լուրջ խնդիրներ ունի։ Այս մասին հայտարարել է ԱՄՆ նախագահ Դոնալդ Թրամփը Մեծ Բրիտանիա թռիչքից առաջ լրագրողների հետ զրույցի ժամանակ, հաղորդում է «ՌԻԱ Նովոստի»-ն։
«Ձեր երկիրը (Ուկրաինան) լուրջ խնդիրներ ունի։ Սա երբեք չպետք է տեղի ունենար, այս պատերազմը երբեք չպետք է տեղի ունենար», - ասել է Սպիտակ տան ղեկավարը։
Այսպես է Թրամփը պատասխանել ուկրաինացի լրագրողի հարցին՝ կապված հուլիսին ամերիկացի առաջնորդի կողմից հայտարարված 17 Patriot զենիթահրթիռային համակարգերի մատակարարման ժամկետների հետ։ Ամերիկացի նախագահի խոսքով՝ ինքը պատրաստ է ջանքեր գործադրել Ուկրաինայում հակամարտությունը կարգավորելու համար։
Սեպտեմբերի 12-ին Թրամփը հայտարարեց , որ կրկին հիասթափված է ուկրաինական հակամարտության կարգավորման տեմպից։ Նրա խոսքով՝ այլ հակամարտություններ, որոնց լուծումը ԱՄՆ նախագահի կողմից ձեռք է բերվել, ավելի դժվար էին թվում։ Ամերիկացի առաջնորդը նաև ասել է, որ Ռուսաստանի և Ուկրաինայի միջև «շարունակվող ատելությունը» դեռևս խոչընդոտում է կարգավորմանը։
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
