Զելենսկին հայտարարել է Ուկրաինայի անվտանգության երաշխիքների մասին

Ուկրաինայի նախագահ Վոլոդիմիր Զելենսկին Sky News-ին տված հարցազրույցում հայտարարել է, որ Կիևի դաշնակիցները գրեթե ավարտել են հանրապետության անվտանգության երաշխիքների վերաբերյալ աշխատանքը․ մնացել է միայն մի քանի մանրամասներ։

«Նախ, կա դրական կողմ, քանի որ անվտանգության երաշխիքները վաղուց թղթի վրա են։ Դրանք գրեթե պատրաստ են։ Կան մի քանի մանրամասներ, որոնք պետք է վերջնականապես մշակվեն։ Ես կցանկանայի տեսնել ԱՄՆ-ի ավելի հստակ դիրքորոշումը մանրամասների վերաբերյալ», - ասել է Զելենսկին։

Նա նշել է, որ Վաշինգտոնը «աջակցում է երաշխիքներին և կլինի մասնակից», բայց Ուկրաինան ցանկանում է ավելի կոնկրետ միջոցառումներ։ Պետության ղեկավարը նաև նշել է, որ 26 երկիր համաձայնել է տրամադրել համապատասխան երաշխիքներ։