ՄԱԿ-ը նախատեսում է 2026 թվականի բյուջեն կրճատել 500 միլիոն դոլարով

ՄԱԿ-ի 2026 թվականի բյուջեն կարող է կրճատվել 15%-ով՝ 500 միլիոն դոլարով՝ 2024 թվականի համեմատ, հաղորդում է Интерфакс-ը՝ հղում անելով կազմակերպության մամուլի ծառայությանը։

ՄԱԿ-ի գլխավոր քարտուղար Անտոնիո Գուտերեշը այս առաջարկը ներկայացրել է 2026 թվականի բյուջեի գնահատականները վերանայելուց հետո։

«Ռեսուրսների բաշխման վերլուծության ժամանակ պահպանվել է հավասարակշռություն ՄԱԿ-ի կանոնադրության երեք հիմնասյուների՝ խաղաղության և անվտանգության, մարդու իրավունքների և կայուն զարգացման միջև»,- նշել է Գուտերեշը անդամ պետություններին ուղղված նամակում։

Նա բացատրել է, որ կրճատումները կազդեն խաղաղապահ առաքելությունների աջակցության բյուջեի վրա։ Ավելին, ծախսերը կրճատելու համար նախատեսվում է որոշ գործառույթներ Նյու Յորքից և Ժնևից տեղափոխել ավելի էժան վայրեր։ Միջազգային կազմակերպությունը նախատեսում է մինչև 2027 թվականը դադարեցնել Նյու Յորքում գտնվող երկու շենքերի վարձակալությունը։

Բյուջեի վերաբերյալ վերջնական որոշումը կկայացվի 2025 թվականի դեկտեմբերին։