Կադիրովը խոսել Է Չեչնիայի կառավարման իր կոշտ ոճի մասին

Չեչնիայի ղեկավար Ռամզան Կադիրովը РИА Новости-ին տված հարցազրույցում հայտնել է՝ կառավարման կոշտ ոճ է որդեգրել, երբ տարածաշրջանում բարդ ժամանակաշրջան էր, իսկ այժմ ՝ Հանրապետությունում ահաբեկչության դեմ տարած հաղթանակից հետո, նա կարիք չի տեսնում միջոցներ ձեռնարկել, որոնք ինչ-որ մեկի համար կողքից կոշտ կթվան:

Պատասխանելով գործակալության այն հարցին՝ ինչի հետ է կապված կառավարման կոշտ ոճի ընտրությունը, Կադիրովը բացատրել է՝ «երբ պետք էր կոշտ լինել, ես այդպիսին էի։ Բայց հիմա, երբ համակարգը կարգավորված է, երբ մենք լիովին հաղթեցինք ահաբեկչությանը, բարելավեցինք խաղաղ կյանքը և զբաղվում ենք բարելավմամբ, զարգացմամբ և ապագայի ծրագրերով, որոշ արևմտյան խամաճիկներ, որոնք նախկինում ինձ կշտամբում էին չափազանց կոշտ լինելու համար, այժմ տարածում են լուրեր, որ ես հիվանդ եմ, խորհրդակցություններ չեմ անցկացնում։ Իրականում մեզ մոտ այսօր համակարգն աշխատում է ժամացույցի պես, և ես որևէ բան փոխելու կամ միջոցներ ձեռնարկելու անհրաժեշտություն չեմ տեսնում, որոնք ինչ-որ մեկի համար կողքից կրկին կոշտ կթվան», - նշել է Չեչնիայի ղեկավարը։

«Այո, ես խիստ և սկզբունքային եմ եղել ահաբեկչության նկատմամբ, և նրանց, ովքեր չեն կատարել իրենց պարտականությունները, չեն արդարացրել հասարակ քաղաքացիների հույսը։ Եվ ես չեմ ամաչում դրանից: Այն ժամանակ դա անհրաժեշտ էր: Հիմա՝ ոչ։ Յուրաքանչյուր պաշտոնյա իր տեղում է։ Մեր առաջին նախագահն ասում էր, որ ուժեղ և համարձակ մարդը թույլ բնավորություն չունի», - եզրափակել է Կադիրովը։