Ուկրաինան վավերացրել է Մեծ Բրիտանիայի հետ կնքված հարյուրամյակի համաձայնագիրը

Ուկրաինայի Գերագույն ռադան քվեարկել է Մեծ Բրիտանիայի հետ հարյուրամյակի գործընկերության համաձայնագրի վավերացման օգտին, հաղորդում է ուկրաինական Strana.ua հրատարակությունը։

Ըստ համաձայնագրի՝ Մեծ Բրիտանիան պարտավորվում է Ուկրաինային տարեկան 3 միլիարդ ֆունտ ստեռլինգ ռազմական օգնություն տրամադրել «այնքան ժամանակ, որքան անհրաժեշտ է»։ Մեծ Բրիտանիան նաև նշանակվել է՝ որպես առաջնահերթ գործընկեր Ուկրաինայի էներգետիկ ոլորտի, հանքանյութերի արդյունահանման հիմնական ռազմավարությունների և կանաչ պողպատի արտադրության համար։

Բրիտանական պաշտոնյաները հայտարարել են, որ համաձայնագիրը «կնպաստի առևտրի և աճի խոչընդոտների վերացմանը և սերունդների համար մշակութային կապերի կառուցմանը»։