Զելենսկին դժգոհ է, որ Եվրոպան շարունակում է նավթ և գազ գնել Ռուսաստանից

Ուկրաինայի նախագահ Վոլոդիմիր Զելենսկին դժգոհություն է հայտնել այն փաստի կապակցությամբ, որ մի շարք եվրոպական երկրներ շարունակում են նավթ և գազ գնել Ռուսաստանից, ինչը, նրա պնդմամբ, անմիջականորեն ազդում է հակամարտության շարունակության վրա: Նրա խոսքերը մեջբերել է Sky News-ը։

Զելենսկին նշել է, որ Եվրոպան դեռևս չի կարող լիովին հրաժարվել ռուսական գազից և նավթից, և դա շատ վտանգավոր է Ուկրաինայի համար: Նա պնդել է, որ ամենօրյա առևտուրը անմիջականորեն ազդում է հակամարտության տևողության վրա։

Այս առումով՝ Ուկրաինայի նախագահը կոչ է արել կենտրոնանալ Կիևին օգնելու և Մոսկվայի վրա ճնշում գործադրելու, այլ ոչ թե հակամարտության ավարտից հետո Ռուսաստանի հետ ապագա հարաբերությունների վրա։