Հայտնաբերվել է շաքարախտի առաջացման անհայտ ռիսկի գործոն

Ծխելը գրեթե կրկնապատկում է 2-րդ տիպի շաքարախտի զարգացման ռիսկը՝ անկախ դրա ենթատիպից։ Այս եզրակացությանն են հանգել Շվեդիայի, Նորվեգիայի և Ֆինլանդիայի գիտնականները։ Հետազոտության արդյունքները ներկայացվել են Վիեննայում Շաքարախտի ուսումնասիրության եվրոպական ասոցիացիայի (EASD) տարեկան համաժողովում։

Հետազոտությանը մասնակցել է ավելի քան յոթ հազար մարդ։ Վերլուծությունը ցույց է տվել, որ ծխողները կրկնակի ավելի հավանական է, որ հանդիպեն ծանր ինսուլինային դիմադրության (SIRD) հետ կապված շաքարախտի ձևի։ Ինսուլինային դիմադրողականությունը առաջանում է, երբ մարմնի հյուսվածքները կորցնում են ինսուլին հորմոնի նկատմամբ զգայունությունը և թույլ չեն տալիս գլյուկոզային մտնել բջիջներ։ Արդյունքում, օրգաններն ու հյուսվածքները մնում են առանց արժեքավոր էներգիայի աղբյուրի, իսկ չպահանջված գլյուկոզը մնում է արյան մեջ՝ քայքայելով արյան անոթների պատերը։

Միևնույն ժամանակ, հիվանդության այլ տեսակների՝ ինսուլինի անբավարարությունից մինչև ճարպակալման կամ տարիքի պատճառով առաջացած շաքարախտ, զարգացման հավանականությունը մեծացել է 20-57%-ով։

Գիտնականները ամենամեծ վտանգը գրանցել են ժառանգական նախատրամադրվածություն ունեցող մարդկանց մոտ. ծխելու և գենետիկ գործոնների համադրությունը շաքարախտի առաջացման ռիսկը մեծացրել է ավելի քան երեք անգամ։ Հետազոտողները ընդգծում են, որ ծխելը թողնելը պետք է համարել այս հիվանդության կանխարգելման հիմնական տարր։

Թարգմանությունը՝  Lurer.com-ի