Լատվիան երկարաձգել է Ռուսաստանի և Բելառուսի հետ սահմանների մոտ սահմանափակումները

Լատվիայի պաշտպանության նախարարությունը հայտարարել է, որ Ռուսաստանի և Բելառուսի հետ սահմանի մոտ Լատվիայի օդային տարածքը մինչև հոկտեմբերի 8-ը փակ կլինի մութ ժամանակ։

«Շարունակելով Լատվիայի օդային տարածքում Բելառուսի և Ռուսաստանի հետ արևելյան սահմանի մոտ սահմանափակումները, սեպտեմբերի 18-ից՝ հինգշաբթի օրվանից, մինչև հոկտեմբերի 8-ը, այն կփակվի մութ ժամերին՝ ժամը 20:00-ից մինչև 07:00-ը (Մոսկվայի ժամանակով)», - ասվում է հայտարարության մեջ։

Սեպտեմբերի 11-ին Լատվիայի պաշտպանության նախարար Անդրիս Սպրուդսը հայտարարեց , որ հանրապետության օդային տարածքը Բելառուսի և Ռուսաստանի հետ արևելյան սահմանի երկայնքով կփակվի։ Նույն օրը Լեհաստանի օդային տրանսպորտի գործակալությունը սահմանափակումներ մտցրեց Բելառուսի և Ուկրաինայի հետ սահմանի երկայնքով թռիչքների նկատմամբ։