Իսրայելում մշակվել Է նոր հզոր զենք՝ ունակ ոչնչացնելու ԱԹՍ–ները

Իսրայելի պաշտպանության նախարարությունը մշակել է մեծ հզորության մարտական ​​լազեր՝ «Երկաթե ճառագայթ», որը նախատեսված է անօդաչու թռչող սարքեր խոցելու համար։ Այս մասին հաղորդում է Bloomberg-ը։

Իսրայելի պաշտպանության նախարարությունը պնդում է, որ «Երկաթե ճառագայթ» մարտական ​​լազերն ունի 100 կՎտ հզորություն։

Փորձարկումների ժամանակ այն արդյունավետորեն որսացել է անօդաչու թռչող սարքերը։ Սակայն նոր համակարգի ճշգրիտ ցուցանիշները չեն բացահայտվում անվտանգության նկատառումներից ելնելով։

Իսրայելում նոր լազերը ներկայացվում է որպես ավանդական հրթիռային համակարգերի ավելի էժան այլընտրանք. մեկ որսման արժեքը 5 դոլարից պակաս է, մինչդեռ ստանդարտ հրթիռի արձակումը տասնյակ հազարավոր դոլարներ է արժենում։

Սակայն նշվում է, որ նոր համակարգն անարդյունավետ է ամպամած եղանակին։

Հաղորդվում է, որ «Երկաթե ճառագայթը» նախատեսվում է լիովին ինտեգրել Իսրայելի հակաօդային պաշտպանության համակարգին մինչև 2025 թվականի վերջը։