Ռուսաստանում քննադատել են Ֆինլանդիայի կառավարության քաղաքականությունը

Ֆինլանդիան տուժել է Ռուսաստանի հետ կապերի խզումից, այդ թվում՝ երկրի տնտեսության վրա բացասական ազդեցությունից։ Այս մասին ՏԱՍՍ-ին տված հարցազրույցում հայտարարել է Անվտանգության խորհրդի մշտական ​​անդամ և նախագահի շրջակա միջավայրի պաշտպանության, էկոլոգիայի և տրանսպորտի հարցերով հատուկ ներկայացուցիչ Սերգեյ Իվանովը։

Նա ընդգծել է, որ Մոսկվայի հետ համագործակցությունից հրաժարվելու որոշումը Հելսինկիի, այլ ոչ թե ֆինլանդացի ժողովրդի որոշումն է։ Դիվանագետի խոսքով՝ երկրի հարավ-արևելյան մասի բնակիչներն ամենաշատն են տուժել, քանի որ ռուս զբոսաշրջիկների պակասի պատճառով՝ նրանք «մեկուսացել» են։

Իվանովը կարծում է, որ Ֆինլանդիայում «ամեն ինչ փլուզվել է», ինչի հետևանքով՝ տնտեսությունը քաոսի մեջ է։ Նա վստահություն է հայտնել, որ ժամանակի ընթացքում Ֆինլանդիայի իշխանությունները կհասկանան, որ Ռուսաստանի հետ բարիդրացիական հարաբերությունները շատ ավելի օգտակար են, քան հարաբերությունների լիակատար բացակայությունը և թշնամանքը։