Պրիգոժինը կասկածի տակ է առել Պուգաչովայի հայտարարությունները

Իոսիֆ Պրիգոժինը կոշտ արձագանքել է Ալլա Պուգաչովայի նոր հարցազրույցին՝ ընդգծելով, որ երգչուհուն ոչ ոք չի ստիպել լքել Ռուսաստանը։ Նրա խոսքով, Պուգաչովան միշտ գործել է միայն սեփական շահերից ելնելով և ապրել այնպես, ինչպես ցանկացել է։ «Նրան ոչ ոք երկրից չի վտարել», — հայտարարել է պրոդյուսերը՝ հավելելով, որ նա երբեք «ոչ մեկի համար լավ բան չի արել»։

Պրիգոժինը նաև կասկածի տակ է դրել Պուգաչովայի խոսքերը Ֆիլիպ Կիրկորովի հետ ամուսնության մասին։ Երգչուհին պատմել էր, որ այդ քայլը եղել է Կիրկորովի մոր խնդրանքով՝ նրա կարիերան խթանելու նպատակով։ «Ստացվում է, որ մենք բոլորս պարզապես խաբված ենք եղել։ Մենք հավատում էինք սիրո, բայց պարզվեց՝ դա նախագիծ էր», — ասել է նա։

Հիշեցնենք, որ վերջերս լուրեր տարածվեցին՝ Պուգաչովային կարող է սպառնալ մինչև հինգ տարվա ազատազրկում։ Պատճառը նրա խոսքերն են Չեչնիայի ինքնահռչակ Հանրապետության առաջին նախագահի՝ Ջոհար Դուդաևի մասին, որին երգչուհին անվանել էր «պարկեշտ մարդ»։ Նման հայտարարությունները, ըստ լրատվամիջոցների, կարող են հիմք դառնալ քրեական գործի համար, գրում է Лента.ру-ն։