Փող տպելն ու բաժանելը կբերի գնաճի. Պուտին

Ռուսաստանի նախագահ Վլադիմիր Պուտինը զգուշացրել է, որ չկարգավորվող փողերի տպագրությունն ու դրանց ուղիղ բաշխումը քաղաքացիներին կարող են արագացնել գնաճը և խաթարել տնտեսական կայունությունը։ «Ի՞նչ կլինի արդյունքը․ ինֆլյացիա», — նշել է նա Պետդումայի խմբակցությունների ղեկավարների հետ հանդիպման ժամանակ։

Պուտինի խոսքով՝ նման «գայթակղություններին» չպետք է տրվել․ անհրաժեշտ է ընտրել այնպիսի քայլեր, որոնք կլուծեն խնդիրները հիմնարար կերպով։ Նա ընդգծել է, որ սոցիալական աջակցությունը չի կարող կառուցվել մեխանիկորեն բաշխվող գումարների վրա, քանի որ դա երկարաժամկետում ավելի շատ վնաս կհասցնի, փոխանցում է Лента.ру-ն։

Ներկայումս Ռուսաստանում սպառողական գների աճի տեմպերը ավելի քան կրկնակի գերազանցում են Կենտրոնական բանկի սահմանած 4% թիրախը։ Սեպտեմբերին կարգավորիչը որոշել էր միայն մասամբ մեղմել դրամավարկային քաղաքականությունը՝ իջեցնելով հիմնական տոկոսադրույքը մինչև 17%։ Հաջորդ որոշումները, ըստ բանկի, կախված կլինեն գնաճի դինամիկայից։