Նոր «Գերան-3» ռեակտիվ դրոնը ավելի դժվար է խոցել. Forbes

Ամերիկյան Forbes պարբերականը գնահատել է Ռուսաստանի նոր ռեակտիվ «Գերան-3» դրոն-կամիկաձեի առավելությունները։ Նշվում է, որ սարքը, համալրված տուրբոռեակտիվ շարժիչով, գրեթե կրկնակի արագ է, քան նախկին՝ դիզելային կամ պիստոնային շարժիչներով մոդելները։

Հոդվածում ընդգծվում է, որ ավելի արագ թիրախին խոցելը շատ ավելի բարդ է․ այն ռադարով հայտնաբերվելուց հետո հակաօդային պաշտպանությանը մնում է զգալիորեն պակաս ժամանակ արձագանքելու համար։ Բացի այդ, «Գերան-3»-ը ի վիճակի է սուզվել դեպի թիրախը մինչև 800 կմ/ժ արագությամբ։

Միաժամանակ, ռեակտիվ շարժիչը ավելի շատ վառելիք է պահանջում, ինչի հետևանքով սարքի թռիչքի հեռավորությունը փոքր է, քան պիստոնային տարբերակներինը։ Ըստ գնահատականների՝ «Գերան-3»-ը կարող է խոցել թիրախներ մինչև 1000 կիլոմետր հեռավորության վրա։ Ըստ հրապարակված տվյալների՝ այս մոդելը արդեն կիրառվել է Ուկրաինայում՝ Խարկովի և Օդեսայի ռազմական օբյեկտների դեմ հարձակումների ժամանակ։