Steam-ը կդադարի աշխատել Windows 10-ի մեկ տարբերակի վրա

Valve-ը հայտարարեց, որ դադարեցնում է Windows 10-ի 32-բիթանոց տարբերակի աջակցությունը Steam հարթակում՝ 2026 թվականի հունվարի 1-ից սկսած։ Ընկերության տվյալներով՝ այս տեսակի օպերացիոն համակարգն օգտագործվում է ծառայության օգտատերերի 0.01%-ից պակասի կողմից։

Ներկայումս Steam-ը 32-բիթային համակարգերի շարքում աջակցում է միայն Windows 10-ի 32-բիթային տարբերակը, սակայն 2026 թվականի սկզբից հարթակը կհրաժարվի դրա աջակցությունից և ամբողջությամբ կանցնի x64 համակարգերի։

Valve-ը խորհուրդ է տալիս 32-բիթանոց Windows 10 օպերացիոն համակարգի օգտատերերին հնարավորինս շուտ անցնել օպերացիոն համակարգի ավելի ժամանակակից տարբերակի։