Թուրքիան երաշխավորում է քուրդ գրոհայինների անարգել ելքը երկրից. Էրդողան

Թուրքիան պատրաստ է ստեղծել բոլոր անհրաժեշտ նախապայմանները, որպեսզի «Քուրդիստանի աշխատավորական կուսակցության» անդամներն անարգել լքեն երկրի տարածքը. հայտարարել է Թուրքիայի վարչապետ Ռեջեփ Թայիփ Էրդողանը. փոխանցում է Huriyyet-ը:

Նրա խոսքերով՝ նախկինում Թուրքիայում տեղ էին գտնում դեպքեր, երբ երկրի տարածքը լքել փորձող PKK-ի գրոհայինները բանակի կողմից հարձակման են ենթարկվել: Այս անգամ Թուրքիան երաշխավորում է PKK-ի անդամների անվտանգ հեռացումը երկրից: