Հութիները հարձակվել են Իսրայելի Էյլաթ քաղաքի վրա

Եմենի հութի ապստամբների կողմից արձակված անօդաչու թռչող սարքը հարվածել է Իսրայելի Էյլաթ քաղաքի հյուրանոցի մուտքին, հաղորդում է Times of Israel-ը։

Ըստ իշխանությունների՝ հյուրանոցի շենքը վնասվել է, սակայն տուժածներ չկան։

«Ոստիկանությունը շրջափակել է վթարի վայրը, իսկ ռումբերի վնասազերծման մասնագետները աշխատում են օբյեկտը նույնականացնելու և դրա բեկորները հեռացնելու ուղղությամբ։ Որոնողական-փրկարարական խմբերն աշխատում են այն տարածքում, որտեղ գրանցվել է վթարը», - ասվում է Իսրայելի ոստիկանության հայտարարության մեջ։

Զինվորականները հետաքննում են, թե ինչու չեն կարողացել որսալ անօդաչու թռչող սարքը։