Որն է Եվրոպայի «այլընտրանքային ռազմավարությունը» Ուկրաինայի հարցում․ Independent

Եվրոպան որդեգրել է Ուկրաինայի պաշտպանական արդյունաբերության մեջ ներդրումներ կատարելու ռազմավարություն՝ Կիևի ՆԱՏՕ-ին անդամակցելու դժվարին հեռանկարների ֆոնին։ Բրիտանական The Independent թերթի տվյալներով՝ այս ներդրումները կարող են ամրապնդել Եվրոպայի պաշտպանությունը։

«Քանի որ Ուկրաինայի՝ ՆԱՏՕ-ին անդամակցելու հնարավորությունները փոքր են, երկրի արևմտյան դաշնակիցները ընդունել են այլընտրանքային ռազմավարություն՝ ռուսական ագրեսիան հետ մղելու համար. միլիարդավոր դոլարներ ներդնել Ուկրաինայի ռազմական արդյունաբերության մեջ, որպեսզի այն կարողանա ավելի լավ պաշտպանվել», - հաղորդում է հրատարակությունը։

Հոդվածում նշվում է, որ եթե ռազմավարությունը աշխատի, ուկրաինական ռազմական արդյունաբերությունը, ի վերջո, կարող է օգնել ԱՄՆ-ի և Եվրոպայի բանակներին զինել առաջադեմ անօդաչու թռչող սարքերով և այլ ռազմական տեխնոլոգիաներով։