Սթարմերի փորձերը՝ ստիպել Թրամփին «ճնշում գործադրել Պուտինի վրա», ձախողվել են․ Politico

Չնայած միմյանց հանդեպ հիացմունքի և սերտ համագործակցության բոլոր հավաստիացումներին՝ ԱՄՆ նախագահ Դոնալդ Թրամփը և Բրիտանիայի վարչապետ Քիր Սթարմերը այդպես էլ չկարողացան միասնական ճակատով հանդես գալ ռուս-ուկրաինական հակամարտության շուրջ: Այս մասին գրում է Politico-ն։

Առաջնորդները հայտարարել են՝ հրադադար են ցանկանում, սակայն տարակարծիք են եղել Ռուսաստանի նախագահ Վլադիմիր Պուտինի վրա ճնշում գործադրելու լավագույն միջոցի հարցում: Լոնդոնում կայացած համատեղ մամուլի ասուլիսում Թրամփը լրագրողներին ասել է՝ նախկինի պես հիասթափված է Պուտինից, բայց խուսափել է բազմաթիվ հարցումներից այն մասին՝ ինչ է նա նախատեսում անել հետագայում:

Սթարմերն էլ հայտնել է՝ Թրամփը «առաջընթացի ճանապարհ է հարթում»՝ ձգտելով վերջ դնել Ուկրաինայի հակամարտությանը, բայց ինքը շատ ավելի վճռական էր տրամադրված Մոսկվայի վրա տնտեսական ճնշումն ուժեղացնելու հարցում: