Ռուսաստանը կրկնապատկել է С-350 և С-400-ի արտադրությունը

«Алмаз-Антей» ռազմաարդյունաբերական կոնցերնը հայտնել է, որ վերջին մեկ տարում ավելի քան կրկնապատկել է զենիթահրթիռային համակարգերի՝ С-350 և С-400-ի արտադրությունը։ Ընկերության տվյալներով՝ նոր արտադրական հզորությունների գործարկումը թույլ է տվել ոչ միայն ժամանակից շուտ մատակարարել զինուժին, այլև մի շարք մոդելների թողարկումը հասցնել մինչև չորս անգամ ավելի։

Կոնցեռնում ընդգծել են, որ արդեն սկսել են նաև նոր տեսակների հրթիռային զինատեսակների արտադրություն։ Սա, ըստ փորձագետների, ցույց է տալիս Ռուսաստանի պաշտպանական արդյունաբերության ինտենսիվացում և աճող պահանջարկ ներքին ու արտաքին շուկաներում։

Հիշեցնենք, որ վերջերս արևմտյան մամուլում շրջանառվում էին լուրեր Ռուսաստանի և Թուրքիայի միջև հնարավոր բանակցությունների մասին С-400 համակարգերի շուրջ, սակայն Անկարայի աղբյուրները դրանք հերքեցին։ Միաժամանակ, Military Watch Magazine-ը գրել էր, որ Հնդկաստանը դիտարկում է հավելյալ С-400 համալիրներ ձեռք բերելու տարբերակը։