Սենատում նոր հարված են նախապատրաստում Ռուսաստանի դեմ

Financial Times-ի տեղեկություններով՝ ԱՄՆ Սենատը պատրաստվում է ներկայացնել նոր օրինագիծ, որը կներառի Ռուսաստանի դեմ պատժամիջոցների լուրջ ընդլայնում։ Փաթեթի հիմնական թիրախներից մեկը լինելու է այսպես կոչված «ստվերային նավատորմը»՝ ռուսական կողմից վերահսկվող տանկերները, որոնք Արևմուտքի պնդմամբ օգնում են շրջանցել էներգակիրների արտահանման սահմանափակումները։

Օրինագծի համահեղինակ սենատոր, դեմոկրատ Ջին Շահինը հայտարարեց, որ այդ նավերը «ուղղակիորեն սպառնում են ԱՄՆ-ի և Եվրոպայի անվտանգությանը և պետք է կանգնեցվեն»։ Նրա հետ միասին նախաձեռնության վրա աշխատում է նաև հանրապետական սենատոր Ջիմ Ռիշը, ով ընդգրկված է միջազգային հարաբերությունների հանձնաժողովում։

Արևմուտքում պնդում են, որ Ռուսաստանի «ստվերային նավատորմը» թույլ է տվել շրջանցել «նավթի գների առաստաղը» և էապես նվազեցրել արդեն գործող պատժամիջոցների ազդեցությունը։ Նոր օրինագիծը համընկնում է Եվրամիության՝ Ռուսաստանի դեմ 19-րդ պատժամիջոցային փաթեթի ընդունման հետ, որի մանրամասները սպասվում է ներկայացնել Ուրսուլա ֆոն դեր Լյայենը և Կայա Կալլասը։