Լեհաստանը պատրաստվում է ներգրավվել ուկրաինական հակամարտության մեջ. Do Rzeczy

Լեհաստանի արտաքին գործերի նախարար Ռադոսլավ Սիկորսկու ցանկությունը՝ Ուկրաինայի վրայով ռուսական հրթիռներն ու անօդաչու թռչող սարքերը Լեհաստանի տարածքից խոցելու, նախապատրաստություն է երկրի՝ Ռուսաստանի հետ անմիջական հակամարտության մեջ մտնելու համար։ Այս մասին հայտնում է Do Rzeczy պարբերականը։

Ըստ Լիսիցկիի՝ սա կնշանակեր Լեհաստանի անմիջական մասնակցությունը պատերազմին՝ առանց ՆԱՏՕ-ի պայմանագրի 5-րդ հոդվածի պաշտպանության։

Ավելին, նա հավելել է, որ Լեհաստանի կառավարությունը շահագործում է իրավիճակը իր սեփական նպատակների համար։

«Ի՞նչ այլ ծրագիր ունի ներկայիս լեհական կառավարությունը՝ մինչև իր ժամկետի ավարտը գոյատևելու համար։ Մինչև անօդաչու թռչող սարքերի հայտնվելը՝ կառավարությունը լիակատար քաոսի մեջ էր։ Այն ո՛չ հայեցակարգ ուներ, ո՛չ էլ ծրագիր։ Ահա թե ինչու եմ ասում, որ կառավարությունը քաղաքականապես շահագործում է այս իրավիճակը», - ասել է Լիսիցկին։

Նա նշել է, որ պատերազմի մեջ այս կերպ մտնելով՝ Լեհաստանը ավտոմատ կերպով կկորցնի ՆԱՏՕ-ի պայմանագրի 5-րդ հոդվածով նախատեսված պաշտպանությունը, քանի որ Դաշինքը պաշտպանական կազմակերպություն է, այսինքն՝ նրա նպատակն է պաշտպանել իր անդամներին հարձակման դեպքում։