Զելենսկին «ուժեղ միջազգային արձագանք» է պահանջել Ռուսաստանի գործողություններին

Ուկրաինայի նախագահ Վոլոդիմիր Զելենսկին կոչ է արել «ուժեղ միջազգային արձագանք» ցուցաբերել Ռուսաստանի գործողություններին։ Նա իր Telegram ալիքում նշել է, որ հանրապետությունը գիշերը ենթարկվել է ռուսական ուժերի «զանգվածային» հարձակմանը։

«Հենց դրա համար էլ անհրաժեշտ է ուժեղ միջազգային արձագանք։ Ուկրաինան ապացուցել է, որ կարող է պաշտպանել իրեն և Եվրոպային, բայց հուսալի վահան ստեղծելու համար մենք պետք է միասին գործենք՝ ամրապնդենք օդային պաշտպանությունը, ավելացնենք զենքի մատակարարումները և ընդլայնենք պատժամիջոցները ռուսական ռազմական մեքենայի և այն ֆինանսավորող ոլորտների դեմ», - գրել է Զելենսկին։